NOCTIVAGI terror, ganeonis triste flagellum,
Et Jovis Alcides, rigido vulturque latroni,
Urnâ subtegitur. Scelerum, gaudete, nepotes!
Insons, luctificâ sparsis cervice capillis,
Plange! fori lumen, venerandæ gloria legis,
Occidit: heu, secum effœtas Acherontis ad oras
Livor, parce viro; non audacissimus esto
Illius in cineres, cujus tot millia vultus
Mortalium attonuit: sic cum te nuntia Ditis
Vulneret exsanguis, feliciter ossa quiescant,
Famaque marmorei superet monumenta sepulcri.
